Mumang ramah Palace an cheng

Crystal Palace chuan Ningani zan khan Conference League semifinal first leg-ah, 3-1 in Shakhtar Donetsk an hneh a, an ke veilama final an rah tawh avangin champion beiseina an nei sang hle.

Henryk-Reyman-Stadium, Krakow-a inkhelah Palace-in Ismaila Sarr hmangin, second 20-na lekah goal hmahruai an khung a, an phur nghal hle. Mahse mualneituin minute 47-naah Oleh Ocheretko hmangin an sut.

Goal chhuah mah se Eagles an zam lo a, minute 58-naah Daichi Kamada-a'n chiang zeta pet goal-in, a team hma a hruaipui nawn. Minute 84-naah Jorgen Strand Larsen-a'n an chak nemnghehna goal khungin, harsat lutuk loin khualmualah Palace an chak.

Second Leg hi May 7, Ningnaiah khelh a ni leh dawn a, Eagles hian khualmualah hnehna an chan tawh avangin, final lut turin dinhmun ṭha takah an awm tawh a ni.