Lalzuia Open champion Basil Khuma

Mizorama tennis inelna ngaihhlut hlawh, 41st Lalzuia MTA Golden Jubilee Celebrations Tennis Championships 2026 chu khelh zawh a ni ta a, inelna ngaihhlut hlawh ber men's singles-ah Basil Khuma a champion.

Lalzuia Open hi April 27, Thawhṭanni khan khelh ṭan niin, May 2, Inrinni khan final khelh a ni a, Basil Khuma hian final-ah a unaupa, a u Joseph Z Khuma chu harsatna lian tham tawk loin a hneh a ni.

Basil hian semifinal-ah Mizoram no. 1 Innocent Lalrindika chu hmachhawnin a hneh a, final-ah Joseph Z Khuma nen inhmachhawnin, 6-4,6-2 in a hneh a, Joseph nen hian men's doubles-ah ṭang dunin, an champion bawk.

Aizawl Tennis Club court leh MSSC Tennis Centre, Ramhlun Sports Complex-ah te inelna hi neih niin, ladies singles-ah HT Lalengmawii chu champion a ni a, Thenzawl nula, Miozram no. 1 hian final-ah Christabelle Ngaihdami lakah zahngaihna lantir loin hnehna hlado a chham.