Bundesliga palina inchuh boruak a sang

Bundesliga-ah champion a chiang tawh a, Champions League khel tur a la chiang ve lo. Inrinni zan inkhelah Hoffenheim leh Stuttgart te 3-3 in an inhnehtawk a, chak zawk an awm loh laiin Bayer Leverkusen-in 4-1 in an hneh a, palinaah an chho.

Hoffenheim leh Stuttgart inkhelah Hoffenheim tan, Andreij Kramaric-a'n goal hnih khungin Bazoumana Toure-a'n goal khat a thawh ve bawk. Stuttgart tan Chris Fuhrich, Ermedin Demirovic leh Tiago Tomas ten an siphurh an sut zo hram.

Inkhel dangah Leverkusen tan Patrik Schick-a'n hattrick a siam a, Nathan Tella-a'n goal khat a khung ve bawk. Leipzig tan Christoph Baumgartner-a goal khung chu an mualpho lutuk tur hliahtu chauh a ni.

Match hnih chiah Bundesliga-ah khelh tur a awm tawh a, pathumna aṭanga paruknaten season thara UCL khelh an la inbeisei vek avangin match tawp ber thlengin boruak a sang dawn.