Villa ngamtu Spurs an him dawn?

Brentford laka 3-0 ngawta West Ham an tlawm hnuah Tottenham Hotspur an chak a, an mikhualna ramah Aston Villa chu 2-1 in an hneh - Spurs-in relegation zone an chhuahsan zui a, an him leh him loh chu an kuta innghat a ni ta.

Spurs tan Conor Gallagher chuan minute 12-naah goal hmahruai khungin, Richarlison-a'n minute 25-naah a belhchhah a, hun pek belha Emi Buendia goal khungin Aston Villa a chhan zo lo.

Villa hian Europa League semifinal an lut bawk a, kar hmasa khan first leg-ah Nottingham Forest chu 1-0 in an ngam lo. May 7, Ningani zanah second leg khelin Forest hi an mikhual leh dawn a, Villa boss Unai Emery-a'n hei hi a ngaihtuah tel lo thei lo.

Forest nen an intawn hmasaka bul ṭan player aṭangin player pasarih ngawt a thlak danglam a, Spurs tan vanneihna a chang zui - point khatin relegation zone an hlat.

Spurs hian an hmabak match thumah hnehna an chan vek chuan an him dawn tihna a ni a, mahse, an hmachhawn turte hi Leeds United, Chelsea leh Everton a la nih avangin a awlsam dawn lo.