Champion beiseina la neitu Pep

Pep Guardiola-a'n inkhelh zawhah champion beiseina a la bo loh thu a sawi a, Manchester City-in Arsenal kutah nomawi hlan mai an la tum lo.

Spanish manager Pep chuan, "Inkhelh zawhah khan mi tam zawk chuan champion tur a chiang tawhah an ngai. Mahse, football kalphung chu a danglam daih a nia. Kum 2022 khan Liverpoo-in Wolves an hneh a, champion turah an ngai vek. Mahse, minute nga chhungin engkim a danglam. Ilkay Gundogan-a'n goal hnih a khung a, Rodri-a'n goal a khung leh a, Premier League-ah kan champion.

"Hei vang hian football-ah chuan chhiarkawp dana a dik thlap a nih loh chuan beisei tur a la awm reng. Match tawp ber thlengin theihtawp kan chhuah dawn. Hetiang boruak hi kan tawng fo tawh a, thil danglam theihzia kan hrechiang," tiin champion beiseina a la neih thu a sawi.