Arsenal dal theitu Hammers

Premier League hmahruaitu Arsenal-in league match thum chauh khelh tur an nei tawh a; West Ham United, Burnley leh Crystal Palace te an hmachhawn dawn. Gunners hian hnehna an chang vek a nih chuan an champion ang.

Nizan khan Arsenal-in Champions League-ah Atletico Madrid an mikhual a, result kan hre hman lo nachungin Arteta hoten tha an seng nasa dawn tih a hriat theih. Relegation zone-a awm mek Hammers hi May 10, Pathianniah an hmachhawn nghal dawn a, tunkar tawp inkhel hi Gunners tan inkhel pawimawh bik a ni ang.

Man City-in Brentford (May 9), Crystal Palace (May 13 zan), Bournemouth (May 19) leh Aston Villa (May 24) te an la hmachhawn dawn. Pep Guardiola hote tan chak vek ringawt a tawk tawh lo a, goal khung tam tel a ngai. City tan nomawi beiseina a la bo lo a, mah se inkhel dang result-ah an innghat tawh thung.