Foden-a'n contract pawtsei dawn

Phil Foden chuan kum li chhung atana contract pawtsei turin Manchester City nen a thuphungin inremna an nei a, kum 25 mi Foden hi nakkum nipuia contract tawp tur a ni a, inremna a neih takah chuan kum 2030 thleng Etihad Stadium-ah a cham ang.

English midfielder Foden hi tun hnaiah a che ṭha tawk lo a, nikum December 14 hnuah goal a khung tawh lo. Everton nena Thawhṭanni zana 3-3 a an inhnehtawk ṭum hian bench aṭangin a lut a, inkhelah a langsar pha lo.

Thla liam ta khan England manager Thomas Tuchel chuan Foden hi England squad-ah a awm chian loh tur thu a sawi a, chutihrualin England match hnuhnung pahnihah bul a ṭan ve ve. Foden hian kum 17 a nih aṭangin Pep Guardiola hnuaiah a khel ṭan a, City tan match 365 khel tawhin Premier League nomawi paruk bakah Champions League nomawi pakhat leh FA Cup nomawi pahnih a chawi tawh a ni.