Sevilla beiseina siamtu Sanchez

Thawhṭanni zan La Liga inkhelah Sevilla chuan, Alexis Sanchez-a goal hmangin Real Sociedad chu 1-0 in an hneh a, an chung chiaha awm Alaves an chak loh avangin relegation zone an chhuahsan.

Ramón Sánchez Pizjuán-a inkhelah team pahnihten goal khung an harsat a first half-ah goal a lut lo. Second half-ah erawh mualneitu Sevilla an vannei a, minute 50-naah Sanchez-a'n pet kawh tak chu Sociedad keeper Álex Remiro-a'n a dang zo lo a, Sevilla chak nan a tawk.

Tun season-ah Sevilla-in beisei an pha lo a, Spanish club lian zinga chhiar tel ṭhin hi tlak hlauhawmah an awm mek. Sevilla hian relegation zone chhuahsan mah se, point khat chiahin Alaves nen an inthlau a, match li khelh tur a la awm avangin an la him lo.