Endikna neih leh duhtu Hamilton

Lewis Hamilton chuan an elpui team te car hma lam 'wing' hman dan a hmuh hnuin, Ferrari chuan hmaih palh thil awm thei leh siam ṭhat ngai te enfiah turin a duh.

Ferrari hian Miami Grand Prix-ah khan inthlakna lian tham 11 lai an kalpui a, hei hian team tan hmasawnna thlen hle mah se, team dang - a bikin Red Bull leh McLaren-te pawhin upgrade lian tham tak an rawn chhawp chhuak ve bawk.

Hamilton-a team hlui, Mercedes pawhin May thla tawp lama Canadian Grand Prix-ah khan thil lian tham tak thlak an tum bawk. Vawi sarih lai champion ni tawh Hamilton hian team dang pathumte thil tih, Ferrari-in an la tih ve miah loh thil pakhat a hmu chhuak a, chuvangin endikna kalpui leh turin a duh.

Kum 41 mi Hamilton chuan, "Mercedes chuan hmasawnna thar chu an rawn chhawp chhuak ngei a, mahse team dang tluk a la ni rih lo. Anni chuan pahnih vel chauh an rawn nei a, keini erawh chuan pariat vel kan nei thung, an upgrade pumhlum zawk chu race lehah a rawn thleng dawn chauh a ni," tiin a sawi.

Pathianni zana neih zawh tak Miami Grand Prix-ah khan Hamilton hi a che chhe hran lo a, paruknaah a thleng. FIA-in dan thar a duan duhtu zingah Hamilton hi a langsar a, thil thar la hriat ngai lohte chu sawisel mai loin amah tiphurtu an nih zawk thu a sawi.