Chelsea enkawl thei zingah Xavi

Coach pangngai nei loa awm mek Chelsea chuan thawm an nei zel a, London club enkawl thei zingah Xavi hming a ri leh tawhin, season thara Chelsea enkawl tur a la chiang thei lo.

Tun season-ah Chelsea hian coach pahnih an ban tawh a, 2026 kum thar niah tak khan Enzo Maresca an lo ban tawh a, beiseina sang tak nen Liam Rosenior lalut mah se result ṭha a neihpui theih bik loh April 22 khan ban leh a ni.

Club enkawltu thar tur an melh laiin, Spanish midfielder hlui Xavi hian an chil a tiput tel. Xavi hian 2023-a Barcelona a chhuahsan hnuah club enkawl a nei leh lo a, a hunlaia midfileder ṭha ber zinga mi hi club enkawl lamah pawh a duai lo a, 2022-23 season khan Barca chu La Liga title a lakpui.

Blues hi Calum McFarlane-a'n tun season an hmabak atan a enkawl dawn a, Xavi hma hian Xabi Alonso, Franceso Farioli leh Cesc Fabregas te hming lam rik a lo ni tawh. Mahse Farioli leh Fabregas te hi club enkawl lai an neih a nih a, Xabi Alonso chiah club nei lo a ni. Mahse Europe-a club langsar ṭhenkhatin Alonso hi an duh avangin Blues tan lak mai a awlsam dawn lo.