Inter-in Akanji la nghet dawn

Serie A champion Inter Milan chuan Manchester City aṭanga an hawh, Manuel Akanji chu a ngheta lak tumin tha an thawh mek a, inbiakna an kalpui mek.

Swiss defender hian season ṭan dawn khan Akanji hi an hawh a, an inremnaah Akanji hian Serie A a champion pui emaw, tun season-a Inter match zawng zawnga a chanve a khelh tlin chuan Inter hian pound maktaduai 15-in an la nghet thei dawn.

Akanji hian an inremnaa angin Inter tan a inlan hnem bakah, league title a lakpui tawh a, a nghetin Inter a zawm a rinawm ta hle. Mahse Borussia Dortmund defender hlui hian Inter a zawm a nih chuan, defender awm sa Stefan De Vrij, Francesco Acerbi leh Marseille-a loan-a khel mek Benjamin Pavard te dinhmun a ti nghing nghal dawn a, Italian club an chhuahsan a rinawm.

Inter hian position dangah pawh player thar an melh reng a, Tottenham Hotspurs keeper Guglielmo Vicario leh Liverpool midfielder Curtis Jones te chu hming langsar an ni. Mahse player pahnihte chungchangah inbiakna mumal a la awm lo thung.