Bagan nen kan inbe lo - Lianzuala

Tun hnaia Mohun Bagan nena sawizawm hlawh mek Lallianzuala Chhangte chuan Kolkata club nen inbiakna an neih loh thu Vanglaini a hrilh a, hetihrual hian football-ah chuan beisei loh thil a thleng fo ṭhin!

Indian football-a sum ngah fal tak, ISL hma hun a chian loh lai pawha talbuai ve lo Bagan hian season tharah Lianzuala hi lakluh tumin an hel dawn nia sawi a ni a, a man erawh a tlawm thei lo ang.

Lianzuala chuan, "Tunah rih chuan Bagan nen indawrna engmah kan nei lo a, ka hriat loha ka agent-te nen an lo inbia a nih erawh chuan thuhran a ni," tiin Vanglaini a hrilh.

Mizo forward LZ Chhangte hian January 2022 khan tuna a khelh mekna Mumbai City hi a zawm a, kum 2027 thleng contract a la nei - Bagan hian an lei chhuak dawn a nih chuan a man a tlawm thei lo ang.

LZa hian ISL-ah goal 50 khung tawhin, match 178 a khel tawh a, assist vawi 25 a nei tel. Indian player zingah Sunil Chhetri chuan ISL-ah goal 81 khung tawhin, Indian player zingah LZa tih loha ISL goal 50 khung tling thei a ni.

Lunglei tlangval LZa khelhna Mumbai-in tun hnaiah beisei an phak lo a, league match hnih khelh tur an la neihah champion beiseina a tlem tawh. ISL hi khelh chhunzawm ve reng niin, zaninah pawh match a awm dawn a, tlai dar 5:00-ah Sporting Club Delhi chuan Odisha FC an mikhual ang.