Nicklas Sule a chawl dawn

Borussia Dortmund defender Nicklas Sule chuan season tawpah inkhelh a chawlhsan dawn a, inkhelh chhunzawm a tum tawh lo niin instagram kaltlangin a sawi.

German defender hi tun hnaiah hliam vangin a buai ngun a, April khan a a khup a tina a, endik a nih hnuah a na lo hlauh. Hemi hnu hian Sule chuan a inhliam nat leh a hlauh avangin June 30-a a contract zawh hunah inkhelh chawlhsan a tum.

Sule chuan, "Vawiinah hian rilru rit tak chungin professional football-a ka zinkawngin a tawp a thleng tawh dawn tih ka rawn puang a ni. Football hi ka tan chuan infiamna satliah a ni ngai lo a, ka nunna, ka tuina ber leh ka chona lian ber a ni zawk. Field chhunga hun ka hman zawng zawng te, hnehna kan chan leh kan tlawm changte leh fans-in min thlawpna zawng zawngte kha ka thinlungah hmun pawimawh tak an chang reng tawh dawn a ni.

He ka zinkawnga min puitu team, ka khelhpui zawng zawng, coach leh fans zawng zawng chungah hian lawmthu ka sawi a ni. Mahse vanduaithlak takin, tun hnaiagh ka taksa lamah harsatna ka tawk ngun a, thutlukna harsa tak takte ka siam hnuah, inmangṭha hun a thleng ta. In mi duhsakna te, min zahna leh min support-na avang hian lawmthu ka sawi e. Football hian ka nun a chhuahsan dawn lo a, field chauh a ni ka chhuahsan dawn ni.

Kum 30 mi Sule hian Hoffenheim-ah a career ṭanin, Bayern Munich leh Dortmund tan a khel hman a, 2020 khan Bayern tana Champions League chawi zingah khan a tel. Germany tan vawi 49 khel hmanin, World Cup vawi hnihah a ram tan a inlan hman bawk.