Fancode-in Unity Cup pe chhuak dawn

May thlaa khelh tur Unity Cup 2026 chu Fancode-in an pekchhuah tur thu tihchian a ni a, Indian football fans tan chanchin lawmawm a ni.

Blue Tigers hian tun thla tawpa khelh tur international friendly tournament-ah hian Jamaica chu semifinal-ah an hmachhawn dawn a, an chak chuan Nigeria leh Zimbabwe inkhela chak zawk chu final-ah an tum leh ang.

Unity Cup-ah hian May 26-ah Nigeria leh Zimbabwe inkhelin, May 27-ah Jamaica leh India an inkhel dawn thung. Final-ah team chak zawkte an intum ang a, a chak lo zawk pahnih pawh pathumna zawngin an inkhel dawn tho a ni.

Indian top flight league ISL chu May 17-ah khelh zawh a ni dawn a, May international break-ah chuan league khelh tur awm tawh loin Indian footballer te an zalen thei tawh dawn tihna a ni.

Unity Cup hi Championship club Charlton Athletic FC khelmual The Valley-ah inelna hi neih tur a ni a, Nigeria leh Jamaica ten khawvel huap pawha player langsar an kawl nual avangin Blue Tigers tan khelh manhla tak tur a ni dawn.