UCL final khelh tum Hakimi

Paris St. Germain defender Achraf Hakimi agent, Alejandro Camano chuan Hakimi chu inhliam mah se May 30 zana Champions League final a khelh theih nan, theihtawp chhuahin an inenkawl a, final khelh a tum hle.

Hakimi hi Bayern Munich nen UCL semifinal first leg-a an inhmachhawn khan, hun tawp dawn hnaiah mal a tina a, endik a nih hnuah chawlhtir niin second leg-ah pawh a khel lo.

Morroco international Hakimi hi Bayern nen an inkhel hma aṭang tawhin a dinhmun a chiang lo a, April 25, Inrinni zana Angers an hnehna game-ah khan hliam tenau a neih avangin halftime-ah thlak a ni tawh a, mahse Bayern lakah a inlan tho.

Kum 27 mi Hakimi inhliam rualin World Cup a khelh dawn em? tih zawhna a tam nghal a, World Cup khelh nan kar ruk bawr vel chauh a awm tawh avangin a mak lo. World Cup-ah erawh a inlan theih a rinawm.

PSG hian Pathianni zan dar 12:15-ah Brest an mikhual dawn a, Hakimi a tel ve dawn lo. PSG hi an la champion chiang bik lo a, match thum khelh tur la awmah RC Lens nen point rukin an inthlau. UCL final an khelh dawn bakah May 13 zanah Lens nen an la inhmachhawn leh dawn a, Luis Enrique-a'n player a thlan thiam a ṭul dawn.