India U17 hma hun chiang dawn

AFC Under-17 Asian Cup 2026 khelh mekah India chuan Pathianni zan dar 10:30 hian Uzbekistan an hmachhawn dawn a, an chak chuan quarterfinal an lut ang - inkhel hi fancode-ah en theih a ni.

Saudi Arabia-a neih inelnaah India hian group an chang vanduai a, Australia, Uzbekistan leh North Korea an awmpui. North Korea hi an inhnukdawk a, Australia leh Uzbekistan nen chiah an awm zui.

India hian an match hmasa berah 4-0 ngawtin Australia an hneh lo a, an hmachhawn leh tur hi champion lai Uzbekistan an ni - group tin aṭanga a sang pahnih chu quarterfinal lut tur an ni.

Blue Colts hi Uzbekistan lakah hian an chak chuan a sang pariat zingah an tel dawn tihna a ni. FIFA Under-17 World Cup 2026 khel turin an tling nghal bawk ang.

Hetihrual hian Uzbekistan hi draw ringawt pawh ni se, Australia-in 4-0 a Uzbekistan an sawp chuan India hi an tlang dawn tho a ni.

India U17-ah hian Dallalmuon Gangte chu captain niin, Mizoram player zingah defender Lawmsangzuala a tel bawk.