IPL auction-ah sum a luang hnem

India ram infiamnaa sum tamna ber Indian Premier League chuan Ningani zan khan auction an nei leh ta a, lei theih tura player 338 chhawpchhuah zingah player 62 chu hralh an ni - IPL club pariatin player lei nana an sen zat chu vaibelchhe 140.3 a tling.

Player zingah Australian cricketer Pat Cummins chu Kolkata Knight Riders-in vaibelchhe 15.50-in an lalut a, IPL-a ram pawn player hralh to ber record a siam thar. Chennai Super Kings-in vaibelchhe 6.75-a an lei Piyush Chawla chu Indian player manto ber a ni a, hriat tel tur chu player langsar tam tak chu an club khelhna nen an inrem sa avangin auction-ah hian an tel lo. IPL 2020 hi March 28 - May 24 inkar khelh tur a ni.