Arsenal manager thar Arteta

Mikel Arteta chu Arsenal manager thar a ni dawn a, player a nih laia season nga chhung hun a hman tawhna club hi kum thum enkawl turin contract a ziak ang.

Unai Emery hmun ruak luah lailawktu Freddie Ljungberg chuan zanin dar 6:00-a Everton an hmachhawn hunah team a la kaihruai dawn. Toffees pawh hi Duncan Ferguson hoin khel mah se mual sir aṭangin manager thar tur Carlo Ancelotti-a'n a enpui hman ngei a beiseiawm.

Manchester City tana Pep Guardiola thawhpui Arteta hi Arsene Wenger thlak tur pawh khan biak a lo ni tawh a, mahse inremna an nei lo. Tunah erawh amahin club a enkawl dawn ta tihna a ni. December 26, Ningani 'Boxing Day' hian Gunners-in khualmualah Bournemouth an tlawh dawn a, Spanish tlangval tan team a kaihhruaina hmasa ber a ni ang.