Mizoramin point an hmu
Cricket inelna Ranji Trophy khelh mekah Mizoram leh Arunachal Pradesh te chu an inhnehtawk a, 1st innings a che ṭha zawk Mizoram hian point thum hmuin Arunachal lam hian point khat an hmu thung.
Mizoram hian an match hmasa zawkah Manipur an ngam lo, tun ṭumah erawh point hmuh phu khawpin an khel chhuak. Arunachal lakah hian Lalhruaizela chuan mellung pawimawh phunin Mizo player zinga Ranji Trophy-a century siam thei hmasa ber a ni hial. Durtlang tlangval hian ball 152 a hmachhawn aṭangin run 124 a hlap chhuak.
Cricket Association of Mizoram (CAM) team hian an match thumna atan December 25-28 chhung hian Pondicherry an hmachhawn leh ang. Mizoram hian Ranji Trophy khelhna tlak khelmual a neih loh avangin home mach khelh nan Videocon Academy Ground Saltair, Kolkata a hmang ang.
Ranji Trophy Mizoram Fixtures
Round 3 Mizoram vs Pondicherry 2019 December 25- 28
Round 4 Bihar vs Mizoram 2020 January 03-06
Round 5 Mizoram vs Meghalaya 2020 January 11-14
Round 6 Sikkim vs Mizoram 2020 January 19-22
Round 7 Mizoram vs Nagaland 2020 Janaury 27-30
Round 8 Chandigarh vs Mizoram 2020 February 04-07
Round 9 Mizoram vs Goa 2020 February 12-15