Kolkata Derby khelh hun sawn

India rama inkhel ngaihven hlawh bera sawi ṭhin Kolkata Derby chu Pathiannia khelh tur ni mah se police indaih lohna avangin sawn a ni. Mohun Bagan leh East Bengal inkhelhna tur hmun hi Salt Lake Stadium a ni a, FIFA U17 World Cup vanga en theihna zat tih tlem hnuah pawh mi 66,600 zet an la leng.

Kolkata-ah Citizen-ship Amendment Act (CAA) duh lohna lantir chhoh mek a nih avangin police tan hna a tam a, mi 60,000 chuang inkhel en tura beisei a nih avangin an ven theih an beisei lo. Police hian tun ṭuma mualneitu tur zawk Mohun Bagan te dawrin ticket tih tlemtir tum mah se Kolkata club hian an duh bik loh avangin nakkum January thla laihawl velah inkhelh hun an sawn a rinawm.

Nizan khan Aizawl FC-in kumin chhunga I League match hnuhnung ber chu Punjab FC nen an khel a, result kan hre hman lo. Mizo club hian nakkum January 4 hian EMS Stadium-ah Gokulam Kerala an hmachhawn ang.

Zanin Inkhel Tur

Chennai City FC    07:00 PM    Neroca

December 22, Pathianni

Trau    02:00 PM    Real Kashmir

December 26, Ningani

Real Kashmir    02:00 PM    Chennai City

December 28, Inrinni

Churchill Brothers    07:00 PM    Indian Arrows