Lens-in PSG hnaih sawt

Ligue 1 table-a pahnihna RC Lens chuan Inrinni zan khan 1-0 in Nantes an hneh a, hmahruaitu Paris St-Germain nen an inthlauhna an tihzim bakah, Nantes chu Ligue 2-ah an thawn thla.

Lens hi an chak lo mai dawna a lan laiin, kum 16 mi Mezian Mesloub chu a vawi khat nan bench aṭangin a lut a, a luh aṭanga second ngana lekah goal khung nghalin, Lens chak nan a tawk.

Match hnih chiah khelh tur awm tawhah Lens hian point thumin PSG an pha lo a, team pahnihte hi May 13, Nilaini zanah an la inhmachhawn dawn avangin Ligue 1 champion tur a la chiang lo.