Mizoram Taekwondo Team fehchhuak

12th National Open Taekwondo Championship khel turin Mizoram team-te chuan New Delhi an pan a, May 13, Nilaini - May 15, Zirtawpni thlengin inelna hi neih a ni dawn.

Mizoram aiawh turte hi March thlaa Khawzawla neih zawh tak, Mizoram Championship aṭang khan thlan an ni a, Mizoram Amateur Taekwondo Association (MATA) chuan May 8, Zirtawpni khan Mizoram aiawh turte thlahna hun hi an hmang.

MATA Hall-a thlahna inkhawmah hian MATA president Prof.Rualkhuma Colney, senior vice president Master VL Sawma, general secretary Master Joseph Thansanga ten fuihna thu an sawi a, H. Lalrammawia'n ṭawngṭaisakna a nei thung.

Mizoram team-te hi Kyorugi(fight) a inlan tur 23 awmin, Poomsae khel tur 14 an awm thung.