PSG mamawh chhanna Desire Doue

Pathianni zan Ligue 1 inkhelah hmahruaitu Paris St-Germain chuan, an mikhual Brest chu 1-0 in an hneh hram a, goal awmchhun hi Desire Doue khung a ni.

Champions League final an luh tawh avangin PSG-in player pawimawh an hahdamtir a, Doue, Khvicha Kvaratskhelia, Ousmane Dembele, Vitinha te chu substitute bench-ah an ṭhu vek.

An player rinrawlte tel loin goal hmaah PSG an hriam tawk lo a, goal an khung theih lawk loh avangin coach Luis Enrique-a'n Doue, Dembele, Kvaratskhelia, Vitinha leh Joao Neves te a luhtir a, minute 82-naah Doue-a'n goal awmchhun a khung a, PSG a chhanhim hlauh.

PSG hi May 13, Nilaini zanah anmahni hnaih bertu Lens nen an inhmachhawn dawn a, PSG hian point khat chauh pawh an hmuh chuan an champion tawh dawn a, an chak loh erawh chuan match tawp berah an chak ngei ngei a ngai dawn.