Dzeko-a'n World Cup a khel dawn

World Cup 2026 atana ram ṭhenkhatin preliminary squad an la thehluh chauh laiin, Bosnia and Herzegovina head coach Sergej Barbarez chuan final squad a puang der a, player 26 a koh zingah captain Edin Dzeko a la tel.

Kum 40 mi Dzeko bakah hian, Bosnia-in World Cup an khelh hnuhnung ber, kum 2014-a inlan zingah Arsenal defender hlui Sead Kolasinac chu squad-ah a la tel ve bawk a, kum 32 mi defender hi Serie A club Atalanta tan a la khel mek.

Bosnia tan vawi 148 inlana goal 73 khungtu Dzeko hian top flight football a khel tawh lo a, January khan Serie A club Fiorentina chhuahsanin, German second division club Schalke 04 a zawm a, league match 10 a khelhah goal ruk leh assist vawi thum neiin, Bundesliga khel turin a hruai kai.

Dzeko kum tam deuh tawh mah se, a la ṭha reng a, Bosnia player zingah kum 18 mi Kerim Alajbegović a tel ve bawk. Red Bull Salzburg player hi Austria lamah a hming a chher viau a, season tharah Bayer Leverkusen a zawm dawn tih a chiang tawh.

Bosnia hian World Cup qualifier-ah Austria tluk loin, an group-ah pahnihna an ni a, mahse, playoff-ah Wales leh Italy chu penalty-a hneh ve ve chungin, World Cup 2026 an inpetkai.

Mexico, USA leh Canada te inthlen ṭawm tur inelnaah hian group B-ah an awm a, Canada, Qatar leh Switzerland te nen knockout stage luh an inchuh dawn a ni.

BOSNIA-HERZEGOVINA SQUAD:

Goalkeepers: Nikola Vasilj (St Pauli), Martin Zlomislic (Rijeka), Osman Hadzikic (Slaven Belupo)

Defenders: Sead Kolasinac (Atalanta), Amar Dedic (Benfica), Nihad Mujakic (Gaziantep), Nikola Katic (Schalke 04), Tarik Muharemovic (Sassuolo), Stjepan Radeljic (Rijeka), Dennis Hadzikadunic (Sampdoria), Nidal Celik (Lens)

Midfielders: Amir Hadziahmetovic (Hull City), Ivan Sunjic (Pafos), Ivan ‌Basic (Astana), Dzenis Burnic (Karlsruher SC), Ermin ​Mahmic (Slovan Liberec), Benjamin Tahirovic (Brondby), Amar Memic (Viktoria Plzen), ‌Armin Gigovic (Young Boys), Kerim Alajbegovic (RB Salzburg), Esmir ​Bajraktarevic (PSV Eindhoven)

Forwards: Ermedin Demirovic (VfB Stuttgart), Jovo Lukic (Universitatea Cluj), Samed Bazdar (Jagiellonia Bialystok), Haris Tabakovic (Borussia Monchengladbach), Edin Dzeko (Schalke)