Verstappen leh McLaren an inbia?

Dutch driver Max Verstappen chu McLaren nen inbiakna an nei a, a team thlak turin indawrna mumal a awm ṭan niin khawthlang chanchinbuten an ziak a, Formula 1-ah Verstappen hma hun a chiang lo zel.

Tun hnaiah Verstappen a hlim lo tih hai rual a ni lo a, FIA-in dan thar a duan chu a pawm thei lo a, sawiseltu langsar ber zinga mi a ni. Tun season inelnaah la tlan vek mah se a la lungawi thei lo a, season tharah F1 chawlhsan a rilruk thu thlengin a sawi.

Hetiang boruak karah hian Verstappen lak duhtu team an awm ve reng a, Mercedes leh McLaren te thawm a lian ber. Mercedes driver pakhat zawk George Russell chungchangah thuthang a tam a, tun hnaiah Russell hian beiei a pha lo a, a teammate Andrea Kimi Antonelli-a tluk loh avangin a dinhmun a derthawng a, amah thlak nan Verstappen an duh nia sawi a tam hle.

Hetihlai hian McLaren-ah Verstappen a lut dawn a nih chuan, an driver pakhat zawk Oscar Piastri chu chhuak tura ngaih a ni. Mahse, Verstappen hian kum khatah dollar maktaduai 70 bawr vel hlawhin, F1 driver zinga hlawh hnem ber a ni a, hlawh tlem lo tak Lando Norris a awm bawk avangin Verstappen hi McLaren-ah a lut a nih chuan sum lamah harsatna an tawh theih avangin a awlsam dawn lo.

Hetihlai hian McLaren team principal Toto Wolff chu Verstappen nen an inhnim hnai hle nia sawi a awm a, hei hian chanchinbu mite beng a verh hle. Mahse Verstappen ber hiam Miami Grand Prix zawh hnu lawk khan 2026-ah Red Bull-ah a la awm dawn tih sawi a, mahse thuthang a tam avangin eng pawh thleng thei a ni.