Tu nge best player dawn?

MBOCWWB 8th Inter Village/Local Council Football Tournament 2026-a best player dawng thei tur hming pali chhawp chhuah a ni a, final khel tur Sihphir Venghlun leh Republic Veng ten player pahnih ve ve an thawh.

Sihphir Venghlun captain Malsawmtluanga Pautu leh goal kua khung tawhtu PC Lalruatsanga te an tel a, tualchhung football-a hming langsar ve ve an ni. Chutihrualin midfielder thawkrim Lalmuansanga a tel lo thung.

Republic Veng aṭangin CYMA Football best player Lalnunzira leh best goalkeeper RS Lallawmzuala te an tel a, tun inelnaah player pahnih hi an khel ṭha dun hle. Mizoram tana pawha khel tawh Rsa hian tun inelnaah goal a la chhuah miah lo a, Zirtea hi midfield khaipa a ni thung. Chutihrualin Republic Veng tlarhnung innghahna Laltluangliana leh tlarhma lama hmun pawimawh changtu F. Lalrinpuia (Valpuia) te hming a lang lo thung.