BR Studio-ah 'Dream Final'

MBOCWWB ADFA Inter Village Football 2026-ah CYMA Football champion Republic Veng leh Inter Village Football champion lai Sihphir Venghlun te an inkhel dawn a, final hi BR Studio YouTube channel-ah a en theih ang.

Final hi May 15, Zirtawpni zan dar 8:00 hian RG Stadium-ah khelh a ni dawn a, a hmuna en thei lo tan BR Studio YouTube channel aṭangin Rs 199 chawiin a en theih.

Match ṭan dawna membership fee lei chauh hian thil fel lote a awm ṭhin a, hei vang hian BR Studio-a member la ni lo tan lei hma a finthlak ang. BR Studio aṭang hian R. Dengṭhuama Stadium-a khelh mek Inter School Futsal Tournament leh Veteran Futsal Tournament pawh a 'live' bawk.