United-in Carrick an duh

Manchester United chief executive Omar Berrada leh director of football Jason Wilcox te chuan an coach nghet ni turin Michael Carrick an duh a, club neitu zinga mi, football bika thuneihna tawp neitu Sir Jim Ratcliffe-a hnenah an duhna hi an thlen tawh.

United hian an tum dan takah chuan, season tawp nghah a, coach thar tur zawn an rilruk. Mahse, an beisei aia hmain Champions League khel turin an inpetkai a, coach nghet tur hi a rang lamin an ngaihtuah ta zawk.

Sir Ratcliffe-a'n Carrick hi coach atan a lo pawm a nih chuan, Carrick hi a contract rei zawng tur leh hlawh chungchangah inbiakna an neihpui nghal ang.

Carrick hian United a enkawl tirh khan Premier League-ah pasarihna an ni a, mahse, pathumnaah invawrhchhoh puiin, season tawp hmain UCL ticket a neih fel pui der.

Kum 44 mi coach hian United hi match 15 kaihruaiin, vawi 10 hnehna a chanpui a, vawi hnih chiah an tlawm - vawi thum an khingpui an draw thung.

United hian coach dang melh lo tawp an ni lo. Mahse, an beisei zinga mi, England boss Thomas Tuchel chuan Three Lions enkawl chhunzawm zel a thlang a, Luis Enrique-a'n Paris St-Germain-a cham a tum bawk.