Bayern-ah Neuer kum khat dang

German goalkeeper Manuel Neuer chuan Bayern Munich-a cham turin contract thar a ziak dawn a, Neuer hi kum khat dang Allianz Arena-ah a la inkhel dawn.

Neuer hi kum 40 ni ve tawh mah se Bayern rinrawl a la ni a, tun season-ah a inhliam laiin rawlthar Jonas Urbig-a'n a hmun ruak hnawh khat mah se, a nek chhuak zo lo. Bayern hian Neuer hi kum khat dang atan an la chelh thei a, Inrinni zana Cologne an mikhual hmain inremna thuthlung hi an peih fel hman beisei a ni.

Bayern hian an si ban vengtu hi kawl reng an duh viau laiin, inremna an neihna kawnga pawimawh tak chu a hlawh tihhniam hi a ni. Neuer hian kum khatah bonus nen chhutin pound maktaduai 20 vel a hlawh a, contract thar hnuaia a hlawh zat tur sawi lan ni lo mah se a hma aiin a tlem dawn.

Hetianga hlawh titlema inremna an siam hi, tun hnaiah club dang pawhin an lo hmang nasa a, Neuer pawh hian club-in sum lama an buai loh zawk nan a hlawh tihhniam a remti.

Kum 2011 khan Neuer hian Schalke aṭangin Bayern a zawm a, Bavarians tan player pawimawh niin khawvel keeper ṭhate zinga sawi a ni ziah tawh dawn. Kumin World Cup khelh turah pawh Germany tan a la inlan dawn nia sawi a awm bawk.