PL manager of the season nominee-ah Carrick

16th May, 2026

Premier League chuan manager of the season dawng thei tur manager paruk an tar chhuak a, January thla laihawl aṭanga Manchester United enkawl Michael Carrick a tel.

English manager hian United hi match 15 enkawlin vawi 10 a chakpui a, vawi thum inhnehtawkin vawi hnih chiah an chak lo. Carrick hnuaiah Man United-in club lian Manchester City, Arsenal, Chelsea, Liverpool leh Spurs te an hneh a, Champions League khel turin an inpettling hial.

Carrick bakah Keith Andrews (Brentford), Mikel Arteta (Arsenal), Pep Guardiola (Man City), Andoni Iraola (AFC Bournemouth) leh Regis Le Bris (Sunderland) te hming a lang bawk.