Mizo pathum telna India

Tun thla tawpa khelh tur, Unity Cup atan India coach Khalid Jamil chuan probable squad a puang a, dan pangngaiin Lalengmawia Ralte (Apuia), Edmund Lalrindika leh Lallianzuala Chhangte te an tel.

Hetihrual hian season duhawm tak hmangtu, Mumbai City rinrawl Hmingthanmawia Ralte (Valpuia) erawh squad-ah a tel phak lo a, tun season a hman dan thlirin thil mak a tling.

India hian May 27-ah Jamaica nen match hmasa zawk an khel ang a, an chak chuan final-ah Nigeria leh Zimbabwe inkhela chak zawk an hmachhawn ang a, an chak lo a nih chuan team pahnih inkhela chak lo zawk nen pathumna nih an inchuh leh thung ang.