Champion phu Sihphir Venghlun

Sihphir Venghlunin tun ṭum inelnaah final-a Republic Veng nen penalty shootout an pet tih loh chu hun pangngaiah an chak vek a, attacking football bakah game mawi an khelh tel avangin tualchhung football hmasawn zel nan an khelh dan hi a hlu hle.

LPS Cup an champion hmain Sihphir Venghlun hian D. Buanga & Sons Inter Village Futsal Tournament 2023 an champion a, tun ṭuma an coach K. Lalruattluanga hnuaiah vek an champion.

Sihphir Venghlun hian futsal leh football a khelh kawp thei tih an pholang a, football lamah pawh club neiin MPL thlengin an inpetling a, match fixing vanga hremna an tawh avangin tlak hniam lai erawh an nei thung.

Tunah erawh hremna an hmang zo tawh a, player kim ṭhapa inelna an hmachhawn hmasak berah an champion. Sihphir Venghlun hian ṭantu an nei ṭha hle.

Sihphir Venghlun aṭanga RG Stadium hi 20km vel daih a ni a, heti chung hian RG Stadium-ah kawr va ha an ṭhahnem a, an player-te an au phur ṭha bawk.