Referee-in thutlukna a siam sual em?

MBOCWWB 8th Inter Village Football Tournament 2026 final-ah Republic Vengin referee thutlukna dik loh avangin champion loah an inngai a, referee thutluknain sawizui a hlawh hle.

Northeast Zonal Referee Development officer (AIFF) Joychandra Singh chuan, "Penalty tur a ni lo ve ve. Goalkeeper bikah chuan boruakah a awm a, a din theih tawh loh avangin foul a ni lo," tiin Vanglaini a hrilh.

National referee Lakshya pawhin, "Ka 'play on' ve ve ang. Defender khan a tum reng vangin a handball lo a, keeper pawhin tih tluk kha a tum a ni lo," tiin a sawi ve bawk.

Chutihrualin IG leh FB lama referee channel larpuitu Victor chuan, "Penalty chiang bal a ni. Handball zawk erawh penalty tur a ni lo hrim hrim," tiin Vanglaini a hrilh a, referee Bawla thutlukna pakhat zawk a ṭawmpui rualin pakhat zawk erawh a ṭawmpui lo thung.