Mumbai tan Puipuia'n goal khung

Zirtawpni zan Indian Super League inkhelah Mumbai City chuan 4-0 in Mohammedan SC an hneh a, Kolkata club hi ISL aṭanga relegate hmasa ber an ni zui - ISL-ah hian tun season aṭangin relegation a awm ve chiah a ni.

Mumbai tan hian Sahil Panwar chuan minute khatna lekah goal hmahruai a khung a, Puipuia siamsak a ni - Mumbai midfielder hian minute riatnaah ISL-a a goal hmasa ber khung ve zuiin, Sajad Hussain Parray chuan an lamah a tilut a, Brandon Fernandes-a'n an goal lina a khung bawk.

Zirtawpni zan inkhelah hian Mumbai tan Lallianzuala Chhangte, Hmingthanmawia Ralte (Valpuia) leh Puipuia ten inkhel bul an ṭan a, Mohammedan lamah Lalngaihsaka leh Lalthankima ten bul ṭanin, Rochharzela leh Jeremy Laldinpuia te chu bench aṭangin an lut thung.