Hammers tan tlak a hnai

Pathianni zan Premier League inkhelah West Ham United an tlawm a, an mikhualna ramah Newcastle United chu 3-1 in an ngam lo - match khat chiah khelh tur an nei tawh a, relegation zone-a an la awm avangin tlak a hnai hle.

Magpies tan Nick Woltemade chuan goal hmahruai khungin, William Osula chuan goal hnih a khung bawk - Hammers tan Valentín Castellanos chuan khung ve mah se, goal a khung hian goal thum an chhuah tawh a, an tan comeback a harsa tawh.

West Ham hi 18-na an nih chhunzawm a, point hnihin 17-naa awm Tottenham Hotspur an phak lo mek - match khat chiah khelh tur an neih tawh avangin season thara Championship an khelh a rinawm tawh zawk!

Spurs hian league match hnih khelh tur an la nei a, Chelsea leh Everton an la hmachhawn dawn. Zanin dar 12:45-ah Chelsea an lenchilh dawn a, London derby-ah hnehna an chan chuan an him ang.

Roberto de Zerbi naute hian hnehna an chan chuan point 41 an hmu dawn a, West Ham hian an match hnuhnung berah Leeds United hneh pawh ni se, Spurs-in point thum an hlawhchhuah leh hrim hrim chuan an um pha thei tawh dawn lo a ni.

A tawi zawnga sawi chuan, Hammers tan season thara Premier League khel zui turin an hmabak match-ah an chak ngei ngei a ngai a, Spurs hi match hnih khelh tur an la neihah an tlawm ve ve a ngai tel bawk.