Russell-a'n hun a mamawh - Herbert

Formula 1 driver hlui Johnny Herbert chuan George Russell chuan ngai awh leh nan hun a mamawh a, Mercedes tan chhuahtir chi a la nih loh thu a sawi.

Herbert chuan, "Russell chhuahtir nan a la hma mah mah a, mi â a nih loh avangin a teammate Kimi Antonelli tluk pha leh turin hma a sawn leh em em ang. Tunah chuan hun a mamawh rih a, a rilru lam thlenga a intihthawven nan hun kan siamsak hram hram a ngai rihin ka hria," a ti.

Tun season ṭan dawnah Russell a phur a, FIA-in dan thar a duan chu sawiseltu awm mah se a duhtu zinga mi a ni. British driver hi inelna hmasa ber Australian Grand Prix-ah a chak nghal a, Chinese GP-ah pahnihna a ni bawk. Mahse hemi hnu hian Russell a tlahniam hret a, race pahnih a hmachhawn hnuah palina ve ve niin podium a lawn pha lo.

A teammate kum 19 mi Antonelli erawh a san zel avangin, Russell chungah beisei a sang lo thei lo a, hertiang boruak karah hian tun hnaia chanchin ngah tak, Red Bull driver Max Verstappen chu Russell thlak turin Mercedes-in an duh nia sawi a awm bawk.

Kum 28 mi Russell erawhin chhuah a duh thu a la sawi lo a, a teammate Antonelli nen an inkarah pawh boruak ṭha lo a awm lo niin a sawi bawk. Mahse Russell hi a chet ṭhat chhunzawm loh chuan Mercedes-ah a nghet reng dawn bik lo.