Juventus UCL beiseina a chau

Pathianni zan Serie A inkhelah Juventus chuan 2-0 in an mikhual Fiorentina an hneh lo a, UCL khelh tum zinga mi Napoli, AC Milan, AS Roma leh Como te an chak vek avangin pathumna aṭangin paruknaah an tla.

Allianz Stadium, Turin-a inkhelah Juve-in inkhel thunun zawk mah se goal hmaah an vanduai a, Fiorentina tan Cher Ndour leh Rolando Mandragora ten goal an khung a, Fioretina chak nan a tawk.

Serie A match khat khelh tur la awmah Juve hi pathumnaah an la awm thei a, mahse an match hnuhnung berah Torino an hneh a ngaih bakah, Milan, Roma leh Como te an chak loh a ngai a, chhiarkawp danin UCL la khel thei mah se an kutah a innghat tawh lo a, palina chinah an awm a rinawm tawh loh.