World Cup khel lo tur Fermin Lopez

Spanish rawlthar Fermin Lopez chu a ke phah ruh a tina a, a hliam hi endik a nih hnuah kar ruk aṭangin kar riat chhung a chawlh a ngaih dawn avangin a tan World Cup beiseina a bo.

Pathianni zan khan Barcelona leh Real Betis te an inhmachhawn a, he inkhelah hian Fermin hian hliam tuarin thlak a ngai a, zai a ngai dawn.

Fermin inhliam dan chiah hian Manchester United defender, Lisandro Martinez chu 2023 April thla khan a lo inhliam tawh a, season tawp thleng a chawl a, September thlaah chauh a inkhel leh thei. Fermin pawh hi a lo kir vat a beiseiawm loh.

Kum 23 mi Fermin hi tun season-ah Barca tan playern pawimawh a ni a, inelna hrang hrangah vawi 48 inlanin goal 13 a khung a, assist 17 a nei bawk. La Liga an champion theih nan a thawh hlawk hle.

Spain hian May 25, Thawhṭanni hian World Cup atana an squad an puang dawn a, ram tana pawh vawi sarih a lo inlan ve tawh Fermin hi inhliam lo se coach Luis de la Fuente-a'n a koh ngei a rinawm.