MVP-ah SGA bawk

Tun season NBA-ah MVP atan Shai Gilgeous-Alexander chu thlan a ni a, Thunder thiampuipa hian kum zawnin a dawng a, NBA chanchinah hetiang ti thei 14-na chiah a ni.

Canadian shooting guard hian MVP ni turin Victor Wembanyama leh Denver Nuggets center, Nikola Jokic te chu a khum a, Jokic hnuah a kum zawna MVP ni leh thei hmasa ber a ni.

Shai chuan, "Tun season-ah team tinte an ṭha vek a, season awlsam tak a ni lo. Chutiang kara MVP lawmman ka dawng thei hi a lawmam ka ti a, hetiang thleng thei tur hi chuan kan khelh ṭhat reng pawh a ngai. Tunah chuan a ṭha thei ang bera khelh a, champion nih ngei kan tum a, rin takin kan bei bawk a ni," a ti.

Kum 27 mi SGA hi MVP ni mah se Spurs lakah a khel ṭha tawk lo a, field goal 7-23 chauh a neih avangin mipui sawisel a hlawh hle. SGA hian a kum zawna MVP leh Champion nih kawp a duh chuan a khelh ṭhat a pawimawh dawn a, MVP a thlan nawn a nih chhan a lantir a ngai dawn.