Mizoram thleng phak lawmna

Manchester City leh Bournemouth inkhelh a zawh chiah hian Mizoram lamah pawh Arsenal ṭantuten champion an lawm. Zing lam dar 3:00 chhoah Arsenal ṭantute sawi lawk em em loin Vanapa Hall kawtah ṭhahnem tak an pungkhawm a, Arsenal jersey nen an thawk chhuak ringawt lo a, Arsenal flag bakah hla play-na tur bluetooth speaker thlengin an keng nghal.

Champhai lamah Arsenal champion banner lian ṭha tak nimin lamah tarchhuah a ni a, Thenzawl lama Arsenal ṭantu pakhat chuan a club hmangaih champion lawm nan Arsenal jersey neih ho a pho chhuak - jersey 33 zet a ni. 2wheeler taxi driver pakhat chuan a scooty-ah, "Kum 22 pawn tlai se, a hunah a thleng," tih a tar a, Arsenal ṭantute chuan châkna ber 2wheeler taxi a ni hial ang.

Arsenal-in Pathianniah nomawi an chawi dawn chauh a, Champions League final khelh tur a la awm bawk. Tuna champion lawmna hi a bul ṭanna chauh a ni a, a aia lian leh ropui zawkin an nei chho zel ang. Kum 22 hnua a champion an ni a, an nghak rei a, an nghak chhuak ta.