World Cup bul ṭan lo tur Yamal

Barcelona forward Lamine Yamal chuan World Cup-a an match hmasa ber Spain tan a khel lo mai thei. Kum 18 mi forward hi malpui hliam vangin a chawl mek a, Spain-in an match hmasa ber an khelh hunah a inlan loh a rinawm zawk.

La Roja hi group H-ah awmin, Cape Verde, Saudi Arabia leh Uruguay te nen group khatah an awm ho. An match hmasa ber hi June 15, zan dar 9:30-ah Cape Verde nen an khel ang.

June 21-ah Saudi Arabia an hmachhawn dawn a, an match hnihnaah pawh Yamal hi a dam hman kher ang em, hriat a la ni lo. An match tawpna ber chu June 27 zingah Uruguay nen an khel dawn thung.

Yamal hian Barca tan tun season inelna hrang hrangah match 45 khelin, goal 24 a khung bakah, assist vawi 16 a nei a, Spain tan an player pawimawh hi a dam vat a ṭul.