Real leh Rudiger indawr

Nomawi chawi loa season khar tur Real Madrid chuan, tun season zawh ruala a contract hmang zo tur, an defender Antonio Rudiger chu contract thar chungchangah an dawr mek.

Real hian kum 30 chuang tawh player-te chu kum khat atan bak an contract an pawtsei ngai lo a, hetiang a nih avang hian, kum 33 mi Rudiger hian contract thar a ziak a nih pawhin kum khat atan bak a ziak lo ang.

Coach atana Jose Mourinho la kir tur Real leh Rudiger te hian inremna la nei lo mah se, karleh lamah chuan inrem hman tura beisei an ni.

Kum 2022-a Chelsea aṭanga Real zawmtu Rudiger hian Spanish club tan nomawi pariat a chawi tawh a, heng zingah hian 2023-24 season-a La Liga leh Champions League nomawi a chawi pawh a tel.

Real tan inelna hrang hrangah match 182 khel tawhin, goal riat a khungsak a, tun season-ah khup leh malpui hliam vangin match 26 chiah a la inlan thung.