UCL-ah English club paruk?

Premier League-in season thar Champions League-ah team panga an thawh chiang tawh a, Europa League-ah Aston Villa an champion avangin UCL-ah English club paruk tana hmun awm theih dan a awm.

Europa League champion hi Champions League khel turin an tling nghal a, chutihrualin Aston Villa hi palina china a awm a nih chuan an champion vang ni loin Premier League quota hmangin Europe inelna sang ber an khel ang.

Villa hi table-ah palinaah an awm mek a, point 62 hmuin match tawp berah Manchester City an hmachhawn dawn. Unai Emery hote hian City an hneh lo a, Liverpool-in Brentford an hneh chuan Arne Slot-a hote palina a ni ang a, Villa hi panganaah an awm thung ang.

Premier League-in quota pali an neih avangin Villa hian Europa League champion an nih avangin season tharah UCL an khel thei chiah ang. Europe inelnaa English club an chet ṭhat vanga quota an neih belh chu paruknain an chang thung ang. Bournemouth leh Brighton tan Europe inelna sang ber khelh theihna kawng a la inhawng tihna a ni thei ang.