Barca-in Rashford a ngheta lak an duh

La Liga champion Barcelona chuan Manchester United aṭanga an hawh, Marcus Rashford chu a ngheta lak an duh a, mimal thilah pawh an inrem tawh niin Spanish chanchinbuten an sawi. Barca hian Rashford hi a ngheta lak theih dan an neih chu an tinung dawn a ni.

League title an chawi hnuah Barca ṭantuten English forward hi a ngheta lak duhtu an tam a, an coach hlui Ronald Koeman meuh pawh a ṭawng chhuak. Mahse Barca hi sum lamah harsatna an tawh bakah Rashford an iai deuh avangin loan-a lak chu an duhtawk.

Mahse kar tam pawh a liam hmain coach Hansi Flick-a'n Rashford a duh a, amah berin Old Trafford-a kir a duh tawh loh avangin an hmin thei a, mimal thilah pawh an inrem tawh nia sawi a awm.

Mahse Rashford-a man, pound maktaduai 30 chu Barca hian an ngam lo a, a aia tlawm zawka lak dan an dap dawn. Hetihlai United erawhin Rashford hi pound maktaduai 30 ai hniama hralh an tum lo a, chuvangin engmah a la chiang bik lo.

Tun season-ah Cataln club tan Rasford a che ṭha a, inelna hrang hrangah match 48 inlanin goal 14 a khung a, Barca tan player pawimawh a ni phak a, La Liga an champion nan an hmelma Real Madrid lakah freekick a khung bawk avangin Barca fans lakah a tla na hle.