Egypt captain tur Salah

Egypt chuan World Cup 2026 khel tur player 27 awmna preliminary squad an puang a, kum 33 mi Mohamed Salah-a'n captain hna a chelh dawn. Salah hian kum kaw chhung hlawhtling taka a khelhna Liverpool chu tun season tawp rual hian a chhuahsan ang

Arne Slot hnuaiah Salah-a'n hmun pawimawh chang pha lo mah se Eygpt-ah erawh rinrawl a ni dawn a, an ram tan match 115 khel tawhin goal 67 a khung tawh.

Egypt tana koh zingah Manchester City winger Omar Marmoush leh Barcelona Under 19 tana khel Hamza Abdelkarim te an tel. Nantes forward Mostafa Mohamed erawh thlan a ni lo.

May 28, 2026 hian Egypt-in Cairo-ah Russia nen friendly match an khel dawn a, hemi zawh hian head coach Hossam Hassan-a'n player pakhat a paih leh dawn. World Cup-ah hian player 26 chauh ziahluh theih a ni.

Egypt hi group G-ah Belgium (June 15), New Zealand (June 22) leh Iran (June 27) te nen an awm ho a, inelna ṭan hmain June 6 hian Cleveland-ah Brazil nen friendly match an khel ang.