Svitolina a tlang phawt

Hmeichhe tennis thiam zual pariat inelna WTA Finals-ah Elina Svitolina chuan Simona Halep a hneh a, champion lai hi kuminah semifinal lut hmasa ber a ni leh ta.

Nilaini zan Shenzhen-a inkhelah world number 8 Svitolina hian Halep hi 7-5, 6-3 in a hneh, match khat khelh hmabak nei chungin a tlang. Wimbledon champion Halep-i'n group match hnuhnung berah Karolina Pliskova a hmachhawn dawn a, a chak zawk an tlang ve leh ang.

Inkhel dangah Pliskova chuan Bianca Andreescu 6-3 in a hneh. US Open champion Andreescu hi set khatna an khelh zawh hnu hian a khup hliam vangin a khel chhunzawm thei lo a ni.