Champion ka beisei sa - Chungnunga

East Bengal defender Lalchungnunga chuan ISL-ah champion a beisei sa thu Vanglaini a hrilh. Durtlang tlangval chuan, "ISL champion han nih meuh chu a nuam ka ti a, ISL bika ka nomawi hmasa ber a nih avangin ka ngaihlu hle bawk," tiin Vanglaini a hrilh.

Chungnunga hian tun season-ah league match sarih a khel a, player hriam leh huaisen bik a ni. Mizo centre back chuan, "ISL vanga team dang an buai laiin kan buai ve lo a, training kan nei reng.

"Player ni se, squad a chhah ṭha em em a, season ṭantir aṭang khan champion hi ka beisei sa a ni," a ti a, an khelh ṭhat piahlamah an vanneih thu Vanglaini a hrilh.

Chungnunga hian East Bengal-ah a contract a hmang zo tawh a, season tharah ISL hma hun a la chian loh avangin Mizo defender hian a pan tur lam a la tichiang lo.