Barca leh Bernardo Silva an inhlat

Spanish champion Barcelona chuan Manchester City midfielder Bernardo Silva chu lak luh duh mah se, amah berin Barca zawm a châk lo niin khawthlan chanchinbu ten an ziak a, Silva hian Juventus emaw Barca elpui Atletico Madrid a zawm theihna chance a sang hle.

Portuguese midfielder hi tun season tawpah a contract a tawp tawh dawn a, a thlawna a chhuah dawn avangin amah duhtu an tam. Barca coach Hansi Flick chuan midfield tichak turin tawnhriat nei ṭha Silva hi a duh a, mahse Catalan club hi an sum dnhmun a ṭha lo a, Julian Alvarez lak luh an duh bawk avangin Bernardo Silva an lak a rinawm ta lo hle.

Zaninah tun season atana La Liga match hnuhnung ber khelh a ni tawh dawn a, Barca hian Valencia an lenchilh dawn. Flick-a hote hi La Liga-ah an champion tawh avangin player rinrawlte hahdamna hun a pek a rinawm.