AIFF Referee Development Course 2026 an zo

25th May, 2026

Mizoram Football Association leh All India Football Federation ṭangkawpin May 19-23, 2026 chhung khan Chite Veng Playground-ah instructor Joychandra Singh kaihhruaina hnuaiah AIFF Referee Development Course an buatsaih a, candidate 61-in an inziaklut.

Referee hmasawnna atana course buatsaihah hian theory class leh fitness test te uluk takin neih a ni a, candidate 50 te exam hmachhawn thei turin an tling. Inrinni khan exam hi an hmachhawn a, AIFF Referee Development Course kharna hun hman zui a ni.