Amawii Hero Monsoon Challenge: District hrang hrangah buatsaih zel tum

Amawii Hero chuan kum 2023 aṭanga neih ṭan, Amawii Hero Monsoon Challenge chu Mizoram district hrang hrangahte nei tura hma lak zel an tum thu an sawi - kuminah Kolasib-ah neih a ni.

May 16, Inrinni khan Kolasib-a inelna hi neih niin, Amawii Hero Monsoon Challenge neih a nih ṭum lina a ni. Kum 2023 khan Thenzawlah a hmasa ber chu neih a lo ni tawh a, kum 2024-ah Tuirial Airfield-ah neih leh niin, Champhaiah neih a ni tawh bawk.

Kolasib Khuangpuilam field-a neih Monsoon Challenge-ah hian district hrang hrang aṭangin racer ṭhahnem tak an tel a, category hrang hrang - One Make Race Class, Expert Class, Novice Class, Rookie Class leh Kolasib Local Class-ah te inelna neih a ni.

Moto sports lama tui Mizo ṭhalaite tana inelna hi Amawii Hero chuan hun remchangah hmangin, traffic rules chungchang inhrilhfiah leh inzirtirna hun a buatsaih tel a, Jerome Lalbiakdika (DTO, Kolasib) chuan he hun hi a hmanpui.

Amawii Hero Event Organiser-te chuan, "Event hlawhtling tak kan buatsaih theih nana min puitu, Khuangpuilam, Kolasib mipuite chungah lawmthu kan sawi a ni," an ti a, inelna hi a hmunah entu ṭhahnem tak an pungkhawm a ni.